ଗୀତାରେ ଏକ ବାଣୀ ଅଛି, ‘ଅତି ସର୍ବତ୍ର ଗରୀଆନ’ ଅର୍ଥାତ୍ ଅତି ସବୁଠି ଖରାପ, ସେ ଭଲ ହେଉନା କାହିଁକି ଅତିଠୁ ଦୂରେଇ ରହିବା ଉଚିତ୍ । ସେଥିପାଇଁ ଆମ ସ୍ୱାସ୍ଥ୍ୟ ପାଇଁ କିଛି ଭଲ ଖାଦ୍ୟ ହେଲେ ମଧ୍ୟ ତାହା ଅତ୍ୟଧିକ ଖାଇବା ହାନୀକାରକ ହୋଇପାାରେ, ଯେମିତି ଗୁଡ଼ । ଆଜ୍ଞା ହଁ, ଅଧିକ ଗୁଡ଼ ଖାଇବା କ୍ଷତିକାରକ ହୋଇପାରେ । ଏହା ଦ୍ୱାରା କି କି ସ୍ୱାସ୍ଥ୍ୟ ସମସ୍ୟାା ହୁଏ, ଜାଣନ୍ତୁ…
ଅତ୍ୟଧିକ ଗୁଡ଼ ଖାଇଲେ କଣ ହଏ?
ଶର୍କରା ସ୍ଥର ବଢିପାରେ – ଗୁଡ଼ରେ ପ୍ରାୟ 70-75% ପ୍ରାକୃତିକ ଶର୍କରା ଥାଏ । ତେଣୁ, ଏହାକୁ ଅଧିକ ପରିମାଣରେ ଖାଇବା ମଧୁମେହ ରୋଗୀ କିମ୍ବା ରକ୍ତ ଶର୍କରା ସ୍ତର କମ୍-ବେଶୀ ହେଉଥିବା ଲୋକଙ୍କ ପାଇଁ ବିପଦଜନକ ହୋଇପାରେ ।
ଓଜନ ବୃଦ୍ଧିର କାରଣ – 100 ଗ୍ରାମ ଗୁଡ଼ରେ ପ୍ରାୟ 380 କ୍ୟାଲୋରୀ ଥାଏ । ତେଣୁ, ଏହାକୁ ଅଧିକ ପରିମାଣରେ ଖାଇବା ଦ୍ୱାରା କ୍ୟାଲୋରୀ ବୃଦ୍ଧି କାରଣରୁ ଓଜନ ବଢିପାରେ ।
ବ୍ଲଡ୍ ସୁଗାର ବୃଦ୍ଧି – ଚିନି ତୁଳନାରେ ଗୁଡ଼ର ଗ୍ଲାଇସେମିକ୍ ଇଣ୍ଡେକ୍ସ କମ୍ ହେବା ସତ୍ତ୍ୱେ ଇନସୁଲିନ୍ ପ୍ରତିରୋଧକତା ଥିବା ଲୋକଙ୍କ କ୍ଷେତ୍ରରେ ରକ୍ତ ଶର୍କରା ସ୍ତର ବଢାଇପାରେ ।
ହଜମ ସମସ୍ୟା – ଅଧିକ ପରିମାଣରେ ଗୁଡ଼ ଖାଇବା ଦ୍ୱାରା ଗ୍ୟାସ୍, ପେଟ ଫୁଲିବା ଏବଂ ଡାଇରିଆ ଭଳି ସମସ୍ୟା ହୋଇପାରେ କାରଣ ଏହା ଅନ୍ତନଳୀରୁ ପାଣି ଶୋଷଣ କରିଥାଏ ।
ଆଲର୍ଜିକ୍ ରିଆକ୍ସନ – ଗୁଡ଼ ଖାଇବା ପରେ କିଛି ଲୋକଙ୍କର କୁଣ୍ଡେଇ ହେବା, ଚର୍ମ ଫୋଡ଼ି ଫୋଡ଼ି ହେବା କିମ୍ବା ନିଶ୍ୱାସ ନେବାରେ ସମସ୍ୟା ଅନୁଭବ କରିପାରନ୍ତି ।
ଦନ୍ତ ସ୍ୱାସ୍ଥ୍ୟ ଉପରେ ପ୍ରଭାବ – ଗୁଡ଼ ଖାଇଲେ ଅଧିକାଂଶ ସମୟରେ ଏହା ଦାନ୍ତରେ ଲାଗିଯାଇଥାଏ । ଫଳରେ ଦାନ୍ତ ନଷ୍ଟ ହୋଇପାରେ ।
ସଂକ୍ରମଣର ଆଶଙ୍କା – ବଜାରରେ ବିକ୍ରି ହେଉଥିବା ଗୁଡ଼ କେତେକ ସମୟରେ ଅସ୍ୱାସ୍ଥ୍ୟକର ଅବସ୍ଥାରେ ପ୍ରସ୍ତୁତ କରାଯାଏ କିମ୍ବା ଏଥିରେ ଏପରି ରାସାୟନିକ ପଦାର୍ଥ ଥାଏ ଯାହା ଶରୀର ପାଇଁ କ୍ଷତିକାରକ ହୋଇପାରେ । ଯଦି ଗୁଡ଼ ପରିସ୍କାର ନଥିବ, ତେବେ ଏହାକୁ ଖାଇଲେ ସଂକ୍ରମଣ ହୋଇପାରେ ।
ଗୁଡ଼ ଖାଇବାର ସଠିକ୍ ଉପାୟ
ଗୁଡ଼ କେବଳ ସେତେବେଳେ ଲାଭଦାୟକ ହୁଏ ଯେତେବେଳେ ସନ୍ତୁଳିତ ପରିମାଣରେ ସେବନ କରାଯାଏ । ଜଣେ ସୁସ୍ଥ ବ୍ୟକ୍ତି ଦୈନିକ 10-15 ଗ୍ରାମ ପର୍ଯ୍ୟନ୍ତ ଗୁଡ଼ ସେବନ କରିପାରିବେ । ଶୀତଦିନେ ଏହାକୁ କ୍ଷୀର, ଚା କିମ୍ବା ଲଡୁ ଭାବରେ ଖାଇପାରିବେ । ମିଶ୍ରଣ ଏବଂ ସଂକ୍ରମଣରୁ ରକ୍ଷା ପାଇବା ପାଇଁ ସର୍ବଦା ଶୁଦ୍ଧ ଏବଂ ଜୈବିକ ଗୁଡ଼ ଖାଆନ୍ତୁ । ମଧୁମେହ, ମେଦବହୁଳତା କିମ୍ବା ଦାନ୍ତ ସମସ୍ୟା ଥିବା ଲୋକମାନେ ଗୁଡ଼ ସେବନ କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଉଚିତ।
Disclaimer: ଏହି ଆଲେଖ୍ୟଟି ସାଧାରଣ ସୂଚନା ଉପରେ ଆଧାରିତ । କୌଣସି ସ୍ୱାସ୍ଥ୍ୟଗତ ଟିପ୍ପଣୀ ପାଇଁ ଡାକ୍ତରଙ୍କ ପରାମର୍ଶ ନିଅନ୍ତୁ ।
Author: Debibandita Barick
ଭାରତୀୟ ଜନ ସଂଚାର ସଂସ୍ଥାନ(IIMC) ଢେଙ୍କାନାଳରୁ ସାମ୍ବାଦିକତା ପାଠ୍ୟକ୍ରମ ପରେ ରାଜ୍ୟର ପ୍ରମୁଖ ଗଣମାଧ୍ୟମ ସଂସ୍ଥାନରେ କାମ କରିଛନ୍ତି। ରାଜନୀତି, ବିଜ୍ଞାନ, କ୍ରୀଡା, ମନୋରଞ୍ଜନ ଓ ସ୍ପେଶଲ ଷ୍ଟୋରୀ ଲେଖିବାରେ ବିଶେଷ ରୁଚି ଓ ଅଭିଜ୍ଞତା ରହିଛି।
