ଭାରତୀୟ କ୍ରିକେଟରମାନେ କେବଳ ପଡ଼ିଆରେ ନୁହେଁ, ବରଂ ହୋଟେଲ ଏବଂ ରେସ୍ତୋରାଁ ବ୍ୟବସାୟରେ ମଧ୍ୟ ନିଜର ଜଲୱା ଦେଖାଇଛନ୍ତି। ଅନେକ ପ୍ରସିଦ୍ଧ ଖେଳାଳି ନିଜର ସ୍ୱତନ୍ତ୍ର ରେସ୍ତୋରାଁ ଖୋଲି ଖାଦ୍ୟପ୍ରେମୀଙ୍କ ମନ ଜିଣିଛନ୍ତି। ଆସନ୍ତୁ ଜାଣିବା ଏମିତି କିଛି କ୍ରିକେଟର ଆଉ ସେମାନଙ୍କ ପ୍ରସିଦ୍ଧ ରେସ୍ତୋରାଁ ବିଷୟରେ।
୧. ବିରାଟ କୋହଲି: One8 Commune (ଷ୍ଟାଇଲ୍ ଏବଂ ସ୍ୱାଦର ସଙ୍ଗମ) :
ବିରାଟ ଯେମିତି ଫିଟନେସ୍ର କିଙ୍ଗ, ତାଙ୍କ ରେଷ୍ଟୁରାଣ୍ଟ ବି ସେମିତି ଆଧୁନିକ। ୨୦୧୭ରେ ଆରମ୍ଭ ହୋଇଥିବା ଏହି ରେଷ୍ଟୁରାଣ୍ଟ ଏବେ ଦିଲ୍ଲୀରୁ ମୁମ୍ବାଇ ଯାଏଁ ରାଜ୍ କରୁଛି। ଏଠାରେ ବସିଲେ ଆପଣଙ୍କୁ ଲାଗିବ ସତେ ଯେମିତି ଆପଣ ବିରାଟଙ୍କ ଡ୍ରଇଂ ରୁମ୍ରେ ବସିଛନ୍ତି। ଏଠିକାର ଖାସ୍ କଥା ହେଲା ଏଠି ବିରାଟଙ୍କ ପସନ୍ଦର ‘ମସରୁମ୍ ଗୁଗଲି ଡିମ୍ସମ୍’ (Mushroom Googly Dimsums) ଏବଂ ‘ସୁପରଫୁଡ୍ ସାଲାଡ୍’ ବହୁତ ଜଣାଶୁଣା। ଏଥିସହିତ ବିଭିନ୍ନ ପ୍ରକାରର ଗ୍ଲୋବାଲ୍ କ୍ୟୁଜିନ୍ ମଧ୍ୟ ମିଳିଥାଏ।
୨. ରବୀନ୍ଦ୍ର ଜାଡେଜା: Jaddu’s Food Field (ସାହେବୀ ଅନ୍ଦାଜ୍):
ଜାଡେଜାଙ୍କୁ ଯେମିତି ‘ସାର୍’ କୁହାଯାଏ ଏବଂ ତାଙ୍କ ରେଷ୍ଟୁରାଣ୍ଟ ବି ସେମିତି ସାହେବୀ ଠାଣିରେ ତିଆରି। ୨୦୧୨ (୧୨-୧୨-୧୨) ରେ ଏକ ଶୁଭ ମହୂର୍ତ୍ତରେ ରାଜକୋଟରେ ଏହା ଖୋଲିଥିଲା। ଆଶ୍ଚର୍ଯ୍ୟର କଥା ହେଉଛି, ଯେଉଁଦିନ ଏହା ଉଦ୍ଘାଟନ ହେଲା, ସେହିଦିନ ହିଁ ଜାଡେଜା ପ୍ରଥମ ଥର ପାଇଁ ଟେଷ୍ଟ ଦଳକୁ ମନୋନୀତ ହୋଇଥିଲେ। ଏଠିକାର ଖାସ୍ ‘ଟ୍ରାଡିସନାଲ୍ ଗୁଜରାଟୀ ଥାଳି’ ସହିତ ‘ଚିଜ୍ ସିଗାର୍ ରୋଲ୍ସ’ ବହୁତ୍ ଲୋକ ଙ୍କ ମନ ଜିଣି ପାରିଛି।
୩. ସଚିନ ତେନ୍ଦୁଲକର: Tendulkar’s World (ମାଷ୍ଟର ବ୍ଲାଷ୍ଟରଙ୍କ ସ୍ୱାଦ) :
ସଚିନଙ୍କୁ ଖାଦ୍ୟ ଖାଇବା ଯେତିକି ଭଲ ଲାଗେ, ଖୁଆଇବା ବି ସେତିକି ପସନ୍ଦ। ୨୦୦୨ରେ ସେ ମୁମ୍ବାଇରେ ଏହି ରେଷ୍ଟୁରାଣ୍ଟ ଆରମ୍ଭ କରିଥିଲେ। ଏହାର ପ୍ରତିଟି କୋଣରେ ସଚିନଙ୍କ ସ୍ମୃତି ଏବଂ ଅଟୋଗ୍ରାଫ୍ ଦେଖିବାକୁ ମିଳେ। ଖାସ୍ କଥା ହେଲା ସଚିନଙ୍କ ପ୍ରିୟ ‘ବମ୍ବେ ଡକ୍’ (ମାଛ ଭଜା) ଏବଂ ‘ପ୍ରନ୍ କୁଇଜିନ୍’ (ଚିଙ୍ଗୁଡ଼ି ତରକାରୀ) ଏଠି ମିଳେ ଯାହା ପ୍ରଶଂସକ ଙ୍କ ମଧ୍ଯ ରେ ଖୁବ୍ ଲୋକପ୍ରିୟ।
୪. କପିଲ ଦେବ: Elevens (ହରିୟାଣା ହରିକେନଙ୍କ ଗୁଗ୍ଲି)
୧୯୮୩ର ବିଶ୍ୱବିଜେତା କ୍ୟାପଟେନ କପିଲ ଦେବ ପାଟନାରେ ନିଜର ଏହି ସୁନ୍ଦର ରେଷ୍ଟୁରାଣ୍ଟ ଆରମ୍ଭ କରିଥିଲେ। ଏହାର ନାଁ ‘Elevens’ (୧୧) ରଖାଯାଇଛି କାରଣ ଜଣେ କ୍ରିକେଟ୍ ଟିମ୍ରେ ୧୧ ଜଣ ଖେଳାଳି ଥାଆନ୍ତି। ଯଦି ଆପଣ ‘ମଟନ୍ ରୋଗନ ଜୋସ୍’ କିମ୍ବା ଶୁଦ୍ଧ ‘ପଞ୍ଜାବୀ ତଡ଼କା’ ଖୋଜୁଛନ୍ତି, ତେବେ କପିଲ ପାଜିଙ୍କ ଏହି ଆସ୍ଥାନ ଆପଣଙ୍କୁ ନିରାଶ କରିବ ନାହିଁ।
୫. ଏମ୍.ଏସ୍. ଧୋନି (Shaka Harry):
ମହେନ୍ଦ୍ର ସିଂହ ଧୋନି ‘Shaka Harry’ ନାମକ ଏକ ପ୍ଲାଣ୍ଟ-ବେସଡ୍ ମିଟ୍ (ଉଦ୍ଭିଦଜାତ ମାଂସ) ବ୍ରାଣ୍ଡରେ ନିବେଶ କରିଛନ୍ତି। ଏଠାରେ ମାଂସ ନଥାଇ ମଧ୍ୟ ମାଂସର ସ୍ୱାଦ ମିଳୁଥିବା ‘ଶାମି ପାଭ୍’ ଏବଂ ‘ମଟନ ସାମୋସା’ ପରି ସ୍ୱାସ୍ଥ୍ୟକର ଖାଦ୍ୟ ମିଳିଥାଏ।
ଏହି ରେସ୍ତୋରାଁଗୁଡ଼ିକ କେବଳ ସ୍ୱାଦିଷ୍ଟ ଖାଦ୍ୟ ପାଇଁ ନୁହେଁ, ବରଂ କ୍ରିକେଟ୍ ସହ ଜଡ଼ିତ ସ୍ମୃତି ଏବଂ ସୁନ୍ଦର ପରିବେଶ ପାଇଁ ମଧ୍ୟ ପର୍ଯ୍ୟଟକଙ୍କୁ ଆକର୍ଷିତ କରିଥାଏ। ପଡ଼ିଆରେ ସେମାନଙ୍କ ଶଟ୍ ଯେତିକି ଦମଦାର୍, ଥାଳିରେ ସେମାନଙ୍କ ସ୍ୱାଦ ବି ସେତିକି ମଜାଦାର୍; ତେଣୁ ଆଉ ଡେରି କାହିଁକି, ଆପଣଙ୍କ ପ୍ରିୟ ଖେଳାଳିଙ୍କ ରେଷ୍ଟୁରାଣ୍ଟକୁ ଥରେ ଯାଇ ସେଠାକାର ‘ଷ୍ଟାର୍’ ବ୍ୟଞ୍ଜନର ମଜା ନିଅନ୍ତୁ।
