ନୂଆ ଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ରବିବାର, ଫେବୃଆରୀ 1 ରେ କେନ୍ଦ୍ର ବଜେଟ୍ 2026-27 ଉପସ୍ଥାପନ କରିଛନ୍ତି, ଯାହା ଭାରତର ଆର୍ଥିକ କ୍ଷେତ୍ରରେ ଏକ ବଡ଼ ପରିବର୍ତ୍ତନ ଆଣିଛି। ଏହି ବଜେଟର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ ହେଉଛି ନୂତନ ଆୟକର ଅଧିନିୟମ (New Income Tax Act), ଯାହା ଅପ୍ରେଲ 1, 2026 ରୁ କାର୍ଯ୍ୟକାରୀ ହେବାକୁ ଯାଉଛି। 2025 ଜୁଲାଇରେ ବିଜ୍ଞପ୍ତି ପ୍ରକାଶ ପାଇଥିବା ଏହି ଆଇନର ଲକ୍ଷ୍ୟ ହେଉଛି ୬୦ ବର୍ଷ ପୁରୁଣା ଟ୍ୟାକ୍ସ କୋଡକୁ ସରଳୀକରଣ କରି ସାଧାରଣ ଜନତା ଙ୍କ ପାଈଁ ସହଜ କରିବା।
ଏହାର ତିନୋଟି ‘କର୍ତ୍ତବ୍ୟ’
ଶ୍ରୀମତୀ ସୀତାରମଣ ଏହି ବଜେଟକୁ ତିନୋଟି ମୁଖ୍ୟ କର୍ତ୍ତବ୍ୟ ଉପରେ ଆଧାରିତ କରିଛନ୍ତି:
ଅର୍ଥନୈତିକ ସ୍ଥିରତା: ବିଶ୍ୱସ୍ତରୀୟ ଅସ୍ଥିରତା ସତ୍ତ୍ୱେ ଅର୍ଥନୈତିକ ଅଭିବୃଦ୍ଧିକୁ ତ୍ୱରାନ୍ୱିତ କରିବା।
ଦକ୍ଷତା ବୃଦ୍ଧି: ନାଗରିକମାନଙ୍କୁ ସଶକ୍ତ କରି ସେମାନଙ୍କୁ ଦେଶର ବିକାଶରେ ଅଂଶୀଦାର କରିବା।
ସମାବେଶୀ ସୁଯୋଗ: ପ୍ରତ୍ୟେକ ପରିବାର, ଅଞ୍ଚଳ ଏବଂ ଗୋଷ୍ଠୀ ନିକଟରେ ସମ୍ବଳ ଓ ସୁଯୋଗ ପହଞ୍ଚାଇବା।
ଟ୍ୟାକ୍ସ ସମ୍ପର୍କିତ ମୁଖ୍ୟ ବିଷୟ
2025 ର ସଂସ୍କାରକୁ ଆଗକୁ ନେଇ ଏହି ବଜେଟରେ କ୍ଷୁଦ୍ର ଟ୍ୟାକ୍ସଦାତାଙ୍କ ପାଇଁ ଏକ ନିୟମ-ଭିତ୍ତିକ ସ୍ୱୟଂଚାଳିତ ପ୍ରକ୍ରିୟା (automated process) ପ୍ରସ୍ତାବ ଦିଆଯାଇଛି। ଏହାଦ୍ୱାରା ଟ୍ୟାକ୍ସ ସାର୍ଟିଫିକେଟ୍ ପାଇବା ଆହୁରି ସହଜ ହେବ।
ବର୍ତ୍ତମାନର ଟ୍ୟାକ୍ସ ସ୍ଲାବ୍ (ନୂତନ ବ୍ୟବସ୍ଥା ଅନୁସାରେ):
₹0–4 ଲକ୍ଷ: ଶୂନ୍ୟ (Nil)
₹4–8 ଲକ୍ଷ: 5%
₹8–12 ଲକ୍ଷ: 10%
₹12–16 ଲକ୍ଷ: 15%
₹16–20 ଲକ୍ଷ: 20%
₹20–24 ଲକ୍ଷ: 25%
₹24 ଲକ୍ଷରୁ ଊର୍ଦ୍ଧ୍ୱ: 30%
ଏହି ବ୍ୟବସ୍ଥା ଅନୁଯାୟୀ, ₹12 ଲକ୍ଷ ପର୍ଯ୍ୟନ୍ତ ଆୟ (ଏବଂ ଦରମାଭୋଗୀଙ୍କ ପାଇଁ ଷ୍ଟାଣ୍ଡାର୍ଡ ଡିଡକ୍ସନ ସହ ₹12.75 ଲକ୍ଷ) ଉପରେ କୌଣସି ଟ୍ୟାକ୍ସ ଦେବାକୁ ପଡ଼ିବ ନାହିଁ, ଯାହା ମଧ୍ୟବିତ୍ତ ଶ୍ରେଣୀର ହାତରେ ଅଧିକ ଅର୍ଥ ସଞ୍ଚୟ କରିବାରେ ସାହାଯ୍ୟ କରିବ।
