ବର୍ତ୍ତମାନର ଆଧୁନିକ ଯୁଗରେ ସମୟ ସହିତ ଲୋକେ ମଧ୍ୟ ପରିବର୍ତ୍ତନ ହେଉଛନ୍ତି । ବିଶେଷକରି ମହିଳାମାନଙ୍କ ସ୍ବାସ୍ଥ୍ୟ ଉପରେ ସଚେତନତା ବୃଦ୍ଧି ପାଉଛି । ଅନେକ ଦେଶର ସରକାର ସାନିଟାରୀ ପ୍ୟାଡ୍ ଏବଂ ମାସିକ ଋତୁସ୍ରାବ ପରିଚ୍ଛନ୍ନତା ଉପରେ ବ୍ୟାପକ ଭାବରେ କାର୍ଯ୍ୟ କରୁଛନ୍ତି । ବିଶେଷ ଭାବେ ଋତୁସ୍ରାବକାଳୀନ ସ୍ୱଚ୍ଛତା ଉପରେ ଅଧିକ ଫୋକସ କରାଯାଉଛି, ଯେପରିକି ମହିଳାମାନେ ଅନ୍ଧବିଶ୍ବାସରୁ ଦୂରେଇ ରହି ସଂକ୍ରମଣରୁ ରକ୍ଷା ପାଇପାରିବେ ।
ଏହି ଦେଶରେ ରହିଛି ଅଜବ ଆଇନ- ହେଲେ ବିଶ୍ବରେ ଏପରି କିଛି ଦେଶ ଅଛନ୍ତି ଯେଉଁମାନଙ୍କର ଆଇନ ଶୁଣିଲେ ଯେକେହିବି ତାଜୁବ ହେବେ । ମହିଳାମାନଙ୍କର ମୌଳିକ ଆବଶ୍ୟକତାକୁ ବନ୍ଦ କରିଦିଆଯାଉଛି । ସେହି ଆଇନ ଆତଙ୍କ ଏବଂ ରହସ୍ୟ ସଦୃଶ । ଏଠାରେ ସାନିଟାରି ପ୍ୟାଡର ବିକ୍ରି ଏବଂ ବ୍ୟବହାର ଉପରେ ପ୍ରତିବନ୍ଧକ ଲଗାଯାଇଛି । ଉତ୍ତର କୋରିଆରେ ଏଭଳି ଆଇନ ଦେଖାଯାଇଛି ।
ସବୁ ନିଷ୍ପତ୍ତି ନେବେ ସରକାର- କିମ୍ ଜଙ୍ଗ ଉନଙ୍କ ଶାସନ ଅଧୀନରେ, ସରକାର ପ୍ରତ୍ୟେକ ଦୈନନ୍ଦିନ ନିଷ୍ପତ୍ତି ନେଇଥାନ୍ତି । ଲୋକମାନେ କ’ଣ ପିନ୍ଧନ୍ତି, କେଉଁ ସଙ୍ଗୀତ ଶୁଣନ୍ତି, କେଉଁ ଟିଭି ଚ୍ୟାନେଲ ଦେଖନ୍ତି, ଏବଂ କେଉଁ ଦିନ ସେମାନେ ହସିପାରିବେ ଏବଂ କେଉଁ ଦିନ ସେମାନେ ହସିପାରିବେ ନାହିଁ ଏଭଳି ସବୁ ନିଷ୍ପତ୍ତି ନେଇଥାନ୍ତି । ଦୋକାନଗୁଡ଼ିକ ଖାଦ୍ୟଠାରୁ ଆରମ୍ଭ କରି ଘରକରଣା ସାମଗ୍ରୀ ପର୍ଯ୍ୟନ୍ତ ସବୁକିଛି ବିକ୍ରି କରନ୍ତି, କିନ୍ତୁ ସାନିଟାରୀ ପ୍ୟାଡର ଗୋଟିଏ ପ୍ୟାକ୍ ମଧ୍ୟ ବିକ୍ରି ହୁଏ ନାହିଁ ।
ଆଜିବି କପଡ଼ା ସଫା କରି ପିନ୍ଧନ୍ତି ମହିଳା- ସରକାର ଏହାକୁ ଏକ ବିଦେଶୀ ବିଳାସ ବୋଲି ବିବେଚନା କରନ୍ତି, ଯାହା ଫଳରେ ଦୋକାନରେ ବିକ୍ରି ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି । ଏଠାରେ ମହିଳାମାନେ ଏବେ ବି ଘରେ ତିଆରି କପଡ଼ା ପ୍ୟାଡ୍ ବ୍ୟବହାର କରନ୍ତି, ଯାହାକୁ ବାରମ୍ବାର ଧୋଇ ପୁନଃବ୍ୟବହାର କରିଥାନ୍ତି । ଏଗୁଡ଼ିକୁ ସୂର୍ଯ୍ୟ କିରଣରେ ଶୁଖାଇବା ମଧ୍ୟ କଷ୍ଟକର, କାରଣ ଘର ବାହାରେ ଏପରି କପଡ଼ା ଟାଙ୍ଗିବା ସାମାଜିକ ଭାବରେ ଅନୁପଯୁକ୍ତ ବୋଲି ବିବେଚନା କରାଯାଏ ।
ଉତ୍ତର କୋରିଆ ରେ, ମହିଳାଙ୍କ ମାସିକ ଋତୁସ୍ରାବ ଯତ୍ନ ନେବା ଏକ ବ୍ୟକ୍ତିଗତ କର୍ତ୍ତବ୍ୟ ଭାବରେ ବିବେଚନା କରାଯାଏ, କୌଣସି ସରକାରୀ ସହାୟତା, କୌଣସି ସ୍ୱାସ୍ଥ୍ୟ ଉତ୍ପାଦ ଏବଂ ମାସିକ ଋତୁସ୍ରାବ ବିଷୟରେ କୌଣସି ସଚେତନତା ନାହିଁ । ଏହାର ଆମଦାନୀ ଏବଂ ବିକ୍ରୟ ଉଭୟକୁ ନିଷେଧ କରାଯାଇଛି ।
Author: Hindustan Tales Odisha
Hindustan Tales Odisha brings you the latest news, Breaking News from Odisha, India and around the world.Stay informed with breaking News,24*7 Updates.
