ଆଜି ସୋମବାର ଦିନ ସଂସଦର ମୌସୁମୀ ଅଧିବେଶନ ଆରମ୍ଭ ହୋଇଛି । ଏହି ଅଧିବେଶନ ଆରମ୍ଭ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଣମାଧ୍ୟମକୁ ସମ୍ବୋଧିତ କରିଥିଲେ । ପ୍ରାୟ ୧୦ ମିନିଟ୍ ଧରି ଦେଇଥିବା ଏହି ବକ୍ତବ୍ୟରେ ସେ ଦେଶର ବିକାଶ ଏବଂ ଗୃହର କାର୍ଯ୍ୟଧାରା ଉପରେ ଗୁରୁତ୍ୱାରୋପ କରିଛନ୍ତି ।
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଏହି ଅଧିବେଶନ ଏକ ‘ବିକଶିତ ଭାରତ’ର ସନ୍ଧାନକୁ ଆହୁରି ଶକ୍ତିଶାଳୀ କରିବାର ଏକ ସୁଯୋଗ । ସେ ବିରୋଧୀ ଦଳକୁ ପରାମର୍ଶ ଦେଇ କହିଥିଲେ ଯେ, ସେମାନେ ପରାଜୟର ନିରାଶାକୁ ଦୂର କରି ଦୃଢ଼ ପ୍ରସଙ୍ଗ ଉଠାଇବା ଉଚିତ୍ । ମୋଦୀ ସ୍ପଷ୍ଟ କରିଛନ୍ତି ଯେ, ଏହି ଅଧିବେଶନ ପରାଜୟର ହତାଶା କିମ୍ବା ବିଜୟର ଅହଙ୍କାରର କ୍ଷେତ୍ର ହେବା ଉଚିତ୍ ନୁହେଁ । ବରଂ, ନୂତନ ପିଢ଼ିର ସାଂସଦମାନେ ଅଭିଜ୍ଞତାରୁ ଲାଭ ପାଇବା ଉଚିତ୍ ।
ପ୍ରଧାନମନ୍ତ୍ରୀ ବିଶେଷ ଭାବରେ ଯୁବ ଏବଂ ପ୍ରଥମ ଥର ପାଇଁ ନିର୍ବାଚିତ ହୋଇଥିବା ସାଂସଦମାନଙ୍କ ପାଇଁ ଉଦ୍ବେଗ ପ୍ରକାଶ କରିଥିଲେ । ସେ କହିଥିଲେ, ମୁଁ ବହୁତ ଦିନ ଧରି ଚିନ୍ତିତ ଯେ ସମସ୍ତ ଦଳର ସାଂସଦ, ଖାସ୍ କରି ଯେଉଁମାନେ ପ୍ରଥମ ଥର ପାଇଁ ଗୃହକୁ ନିର୍ବାଚିତ ହୋଇଛନ୍ତି କିମ୍ବା ଯେଉଁମାନେ ଯୁବ, ସେମାନେ ବହୁତ ଦୁଃଖିତ। ସେମାନେ ସେମାନଙ୍କର କ୍ଷମତା ପ୍ରଦର୍ଶନ କରିବାର କିମ୍ବା ସେମାନଙ୍କ ଅଞ୍ଚଳର ସମସ୍ୟା ବିଷୟରେ କହିବାର ସୁଯୋଗ ମିଳୁନାହିଁ । ସେ ଆହୁରି ମଧ୍ୟ ଅନୁରୋଧ କରିଥିଲେ ଯେ, ସେମାନେ ଯେଉଁ ଦଳର ହୋଇଥାନ୍ତୁ ନା କାହିଁକି, ଆମେ ଆମର ନୂତନ ପିଢ଼ିର ଯୁବ ସାଂସଦମାନଙ୍କୁ ସୁଯୋଗ ଦେବା ଉଚିତ୍ । ମୋଦୀ କହିଛନ୍ତି ଯେ, ଏହି ଜିନିଷଗୁଡ଼ିକୁ ଗମ୍ଭୀରତାର ସହ ନିଆଯାଉ । ନାଟକ କରିବା ପାଇଁ ବହୁତ ସ୍ଥାନ ଅଛି, ଯିଏ ଏହା କରିବାକୁ ଚାହୁଁଛି ସେ ଏହା କରିପାରିବ ।
ସୂଚନାଯୋଗ୍ୟ ଯେ, ସଂସଦର ଏହି ଶୀତକାଳୀନ ଅଧିବେଶନ ଡିସେମ୍ବର ୧ ରୁ ଡିସେମ୍ବର ୧୯ ପର୍ଯ୍ୟନ୍ତ ଚାଲିବ । ଏହି ୧୯ ଦିନିଆ ଅଧିବେଶନରେ ମୋଟ ୧୫ ଟି ବୈଠକ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ଏହି ସମୟ ମଧ୍ୟରେ ପରମାଣୁ ଶକ୍ତି ବିଲ୍ (Atomic Energy Bill) ସମେତ ଦଶଟି ନୂତନ ବିଲ୍ ଆଗତ ହେବାର ଆଶା କରାଯାଉଛି ।
Author: Soloni Dash
ସମ୍ବାଦ ସ୍କୁଲ୍ ଅଫ୍ ମିଡିଆ ଏଣ୍ଡ କଲ୍ଚର୍ (Ssomac)ଭୁବନେଶ୍ୱରର ଛାତ୍ରୀ। ସାମ୍ବାଦିକତା ପାଠ୍ୟକ୍ରମ ସମାପ୍ତ ପରେ ରାଜ୍ୟର ପ୍ରମୁଖ ଗଣମାଧ୍ୟମ ସଂସ୍ଥାମାନଙ୍କ ସହ କାମ କରିବାର ଗଭୀର ଅନୁଭବ ରହିଛି। ରାଜନୀତି, ବିଜ୍ଞାନ, ଖେଳ ଓ ମନୋରଞ୍ଜନ ଭଳି ବିଭିନ୍ନ ବିଷୟରେ ଷ୍ଟୋରି ଲେଖନରେ ବିଶେଷ ରୁଚି ଓ ପାରଦର୍ଶିତା।
