ବିଚିତ୍ର ବ୍ରହ୍ମାଣ୍ଡ, ଚିତ୍ତାକର୍ଷକ ସୃଷ୍ଟି । ଯେତିକି ରହସ୍ୟମୟ ସେତିକି ସୁନ୍ଦର । ପୃଥିବୀର କୋଣଅନୁକୋଣରେ ଅନେକ ରହସ୍ୟମୟ ପ୍ରାକୃତିକ ସାନ୍ଦର୍ଯ୍ୟ ଲୁଚି ରହିଛି, ତନ୍ମଧ୍ୟରୁ ଭାରତ ମହାସାଗରର ମୁକ୍ତା ଅନ୍ୟତମ । ଆଉ ଏ ମୁକ୍ତା ହେଉଛି – ମନମୁଗ୍ଧକର ପ୍ରାକୃତିକ ସୌନ୍ଦର୍ଯ୍ୟ, ସମୃଦ୍ଧ ଜୈବ ବିବିଧତା, ସଂସ୍କୃତି-ପରମ୍ପରା ଓ ବାଣିଜ୍ୟ ପାଇଁ ପ୍ରସିଦ୍ଧ ଶ୍ରୀଲଙ୍କା । ଶତାବ୍ଦୀ ଧରି ଶ୍ରୀଲଙ୍କା ଏହାର ସୁନ୍ଦର ଭୂଦୃଶ୍ୟ, ସୁବର୍ଣ୍ଣ ବେଳାଭୂମି, ପ୍ରାଚୀନ ମନ୍ଦିର ଏବଂ ବିଶ୍ୱ ପ୍ରସିଦ୍ଧ ନୀଳମଣି ପାଇଁ ପ୍ରଶଂସିତ । ଏହି ଶ୍ରୀଲଙ୍କା ହେଉଛି ଭାରତ ମହାସାଗରର ମୁକ୍ତା । କାହିଁକି ଶ୍ରୀଲଙ୍କାକୁ ଏପରି କୁହାଯାଏ, ଜାଣନ୍ତୁ,,,
ଶ୍ରୀଲଙ୍କାକୁ କାହିଁକି କହନ୍ତି ଭାରତ ମହାସାଗରର ମୁକ୍ତା:
ଶ୍ରୀଲଙ୍କା ଏପରି ଉପାଧି ପାଇବାର କାରଣ ହେଉଛି – ଏହାର ଆକୃତି, ଚମକ ଏବଂ ପ୍ରାକୃତିକ ସମୃଦ୍ଧି । ବିଶାଳ ନୀଳ ଭାରତ ମହାସାଗରରେ ଏକ ବିରଳ ମୁକ୍ତା ସଦୃଶ ଏହି ଦ୍ୱୀପ । ଆକାଶ ମାର୍ଗରୁ ଦେଖିଲେ ଶ୍ରୀଲଙ୍କାର ମୁକ୍ତା ପରି ଚମକ ଯେକେହିକୁ ଆକୃଷ୍ଟ କରିବ । ଚତୁର୍ଦିଗରେ ବିସ୍ତିର୍ଣ୍ଣ ନୀଳଜଳ, ଆଉ ତା ଭିତରେ ମୁକ୍ତାଟିଏ ପରି ରହିଛି ଶ୍ରୀଲଙ୍କା । ଦ୍ୱୀପର ବିଭିନ୍ନ ପ୍ରକାରର ଭୂରୂପ ଶ୍ରୀଲଙ୍କାକୁ ପ୍ରାକୃତିକ ଭାବରେ ବିବିଧ ଦେଶ ମଧ୍ୟରୁ ଗୋଟିଏ ଭାବରେ ବିବେଚନା କରେ । ଏଥିପାଇଁ ଶ୍ରୀଲଙ୍କାକୁ ଭାରତ ମହାସାଗରର ମୁକ୍ତାର ଆଖ୍ୟା ଦିଆଯାଇଛି ।
ଏକ ପ୍ରମୁଖ ଐତିହାସିକ ବାଣିଜ୍ୟ କେନ୍ଦ୍ର:
ହଜାର ହଜାର ବର୍ଷ ଧରି, ଶ୍ରୀଲଙ୍କା ଏସିଆ, ମଧ୍ୟପ୍ରାଚ୍ୟ ଏବଂ ୟୁରୋପକୁ ସଂଯୋଗ କରୁଥିବା ଗୁରୁତ୍ୱପୂର୍ଣ୍ଣ ସମୁଦ୍ର ପଥଗୁଡ଼ିକର କେନ୍ଦ୍ରରେ ଅବସ୍ଥିତ । ଏହାର ବନ୍ଦର ସହରଗୁଡ଼ିକ ମସଲା, ଡାଲଚିନି, ମଣି ଏବଂ ହାତୀ ଖୋଜୁଥିବା ବ୍ୟବସାୟୀମାନଙ୍କୁ ଆକର୍ଷିତ କରିଥିଲା । ବାଣିଜ୍ୟ କେନ୍ଦ୍ର ଭାବେ ଶ୍ରୀଲଙ୍କା ବେଶ୍ ପରିଚିତ ।
ମୂଲ୍ୟବାନ ରତ୍ନପଥର ପାଇଁ ପ୍ରସିଦ୍ଧ:
ଶ୍ରୀଲଙ୍କା ନୀଳମଣି, ମାଣିକ ଏବଂ ଅନ୍ୟାନ୍ୟ ଉଚ୍ଚମାନର ରତ୍ନପଥର ପାଇଁ ବିଶ୍ୱର ଶ୍ରେଷ୍ଠ ଉତ୍ସ ମଧ୍ୟରୁ ଗୋଟିଏ । “ଏସିଆର ବ୍ଲୁ ବେଲ୍” ଏବଂ ଅନେକ ରାଜକୀୟ ରତ୍ନ ଶ୍ରୀଲଙ୍କାରୁ ଉତ୍ପନ୍ନ ହୁଏ । ଏହି ରତ୍ନପଥର ଶ୍ରୀଲଙ୍କାକୁ ବିଶ୍ୱ ପ୍ରସିଦ୍ଧ କରିଛି । ଶ୍ରୀଲଙ୍କାକାକୁ ରତ୍ନପଥରର ହବ୍ କହିଲେ କିଛି ଅତ୍ୟୁକ୍ତି ହେବନି ।
ୟୁନେସ୍କୋ ବିଶ୍ୱ ଐତିହ୍ୟ ସ୍ଥଳ:
ଐତିହ୍ୟ ସ୍ଥଳ ଭାବେ ମଧ୍ୟ ଶ୍ରୀଲଙ୍କା ବେଶ୍ ପ୍ରସିଦ୍ଧି । ଏହାର ଏକାଧିକ ପ୍ରସିଦ୍ଧ କ୍ଷେତ୍ର ୟୁନେସ୍କୋ ବିଶ୍ୱ ଐତିହ୍ୟ ସ୍ଥଳ ଭାବେ ମାନ୍ୟତା ପାଇଛି । ସେଗୁଡ଼ିକ ହେଉଛି – ସିଗିରିଆ, ଅନୁରାଧାପୁରା, ପୋଲୋନାରୁୱା ଏବଂ ପବିତ୍ର ଦନ୍ତ ମନ୍ଦିର । ଏହି ସ୍ଥାନଗୁଡ଼ିକ ଶ୍ରୀଲଙ୍କାର ସାଂସ୍କୃତିକ, ଧାର୍ମିକ ଏବଂ ସ୍ଥାପତ୍ୟ ଇତିହାସକୁ ପ୍ରତିଫଳିତ କରେ ।
Author: Debibandita Barick
ଭାରତୀୟ ଜନ ସଂଚାର ସଂସ୍ଥାନ(IIMC) ଢେଙ୍କାନାଳରୁ ସାମ୍ବାଦିକତା ପାଠ୍ୟକ୍ରମ ପରେ ରାଜ୍ୟର ପ୍ରମୁଖ ଗଣମାଧ୍ୟମ ସଂସ୍ଥାନରେ କାମ କରିଛନ୍ତି। ରାଜନୀତି, ବିଜ୍ଞାନ, କ୍ରୀଡା, ମନୋରଞ୍ଜନ ଓ ସ୍ପେଶଲ ଷ୍ଟୋରୀ ଲେଖିବାରେ ବିଶେଷ ରୁଚି ଓ ଅଭିଜ୍ଞତା ରହିଛି।
